കണ്ണൂര്‍ എഞ്ചിനീയറിങ് കോളേജിന് സമീപം 16 കിലോ കഞ്ചാവ് പിടികൂടി

തളിപ്പറമ്പ്: ധർമ്മശാല കണ്ണൂർ എഞ്ചിനീയറിങ് കോളേജിന് സമീപം വെച്ച് കാറിൽ കടത്തുകയായിരുന്ന 16 കിലോ കഞ്ചാവ് സഹിതം രണ്ടു പേരെ പോലീസ് അറസ്റ്റു ചെയ്തു. തളിപ്പറമ്പ് കാര്യാമ്പലത്ത് താമസിക്കുന്ന സി.അലിഅക്ബർ(35), കുറുമാത്തൂരിൽ താമസിക്കുന്ന ചുഴലിയിലെ സി.ജാഫർ(48) എന്നിവരെയാണ് അറസ്റ്റുചെയ്തത്. ഇവർ സഞ്ചരിച്ച കാറും പിടിച്ചെടുത്തു. ചൊവ്വാഴ്ച രാവിലെയായിരുന്നും സംഭവം. ആന്ധ്രാപ്രദേശ് നർസിപട്ടണത്തുനിന്നും കൊണ്ടുവരികയായിരുന്നു കഞ്ചാവ്. രഹസ്യവിവരം ലഭിച്ച പോലീസ് വാഹനം തടഞ്ഞാണ് പ്രതികളെ കുടുക്കിയത്. ബാഗിലാക്കി സീറ്റിനടിയിൽ ഒളിപ്പിച്ച നിലയിലായിരുന്നു കഞ്ചാവ്. ചെറിയ പാക്കറ്റുകളിലാക്കി വിൽപ്പനനടത്തുന്ന സംഘമാണിവരെന്ന് അന്വേഷണ സംഘം പറഞ്ഞു. പ്രതികളിൽ അലി അക്ബർ നേരത്തെ ഒരു കൊലക്കേസിലും മോഷണക്കേസുകളിലും പ്രതിയാണ്. ചപ്പാരപ്പടവ് താഴെ എടക്കോം സ്വദേശിയായ അലി പെരിങ്ങോം സി.ആർ.പി.ക്യാമ്പിനടുത്ത് തങ്കമ്മ എന്ന സ്ത്രീയെ കൊലപ്പെടുത്തി കിണറിൽ തള്ളിയ കേസിലാണ് മുൻപ് അറസ്റ്റിലായത്. തളിപ്പറമ്പ് ഡി.വൈ.എസ്.പി. കെ.വി.വേണുഗോപാലൻ ലഭിച്ച രഹസ്യ വിവരത്തെ തുടർന്നായിരുന്നു വാഹന പരിശോധന. തളിപ്പറമ്പ് പോലീസ് ഇൻസ്പെക്ടർ കെ.ജെ.ബിനോയ്, എസ്.ഐ.കെ.ദിനേശൻ എന്നിവരുടെ നേതൃത്വത്തിൽ എസ്.പി.യുടെ ഷാഡോ പോലീസുകാരുൾപ്പെടെയുള്ള സംഘമാണ് പ്രതികളെ പിടികൂടിയത്. content highlights:2 arrested,16 KG marijuana,kannur

from mathrubhumi.latestnews.rssfeed http://bit.ly/2FdTgvv
via IFTTT