രാഹുലിന് സെഞ്ചുറി, നിധീഷിന് ആറു വിക്കറ്റ്; കേരളം പൊരുതുന്നു

ഷിംല: ഓപ്പണിങ് ബാറ്റ്സ്മാൻ രാഹുൽ പി.യുടെ സെഞ്ചുറി മികവിൽ ഹിമാചൽ പ്രദേശിനെതിരായ രഞ്ജി ട്രോഫി ക്രിക്കറ്റിൽകേരളം പൊരുതുന്നു. രണ്ടാം ദിനം കളി അവസാനിക്കുമ്പോൾ കേരളം അഞ്ച് വിക്കറ്റ് നഷ്ടത്തിൽ 219 റൺസ് എന്ന നിലയിലാണ്. ഹിമാചലിന്റെ ഒന്നാമിന്നിങ്സ് സ്കോറിനൊപ്പമെത്താൻ കേരളത്തിന് 78 റൺസ് കൂടി വേണം. 195 പന്തിൽ 103 റൺസുമായി രാഹുൽ പിയും 65 പന്തിൽ 32 റൺസുമായി സഞ്ജു സാംസണുമാണ് ക്രീസിൽ. വി.എ ജഗദീഷ് (5), സിജോമോൻ ജോസഫ് (16), മുഹമ്മദ് അസറുദ്ദീൻ (40), സച്ചിൻ ബേബി (3), വിഷ്ണു വനോദ് (1) എന്നിവരുടെ വിക്കറ്റുകളാണ് കേരളത്തിന് നഷ്ടമായത്. ഹിമാചലിനായി അർപിന് രണ്ട് വിക്കറ്റ് വീഴ്ത്തി. നേരത്തെ എം.ഡി നിധീഷിന്റെ ബൗളിങ് മികവിൽ കേരളം ഹിമാചലിനെ 297 റൺസിലൊതുക്കുകയായിരുന്നു. 101 റൺസെടുത്ത അങ്കിത് കൾസിയാണ് ആതിഥേയരുടെ ടോപ്പ് സ്കോറർ. ഋഷ് ധവാൻ 58 റൺസെടുത്തു. കേരളത്തിന് വേണ്ടി ബേസിൽ തമ്പി, സന്ദീപ് വാര്യർ എന്നിവർ രണ്ട് വിക്കറ്റ് വീഴ്ത്തി. ഈ രഞ്ജി സീസണിൽ കേരളത്തിന്റെ അവസാന മത്സരമാണിത്. ഈ മത്സരം വലിയ മാർജിനിൽ വിജയിച്ചെങ്കിൽ മാത്രമേ കേരളത്തിൽ നോക്കൗട്ട് റൗണ്ടിൽ പ്രവേശിക്കാനാകൂ. Content HIghlights: Ranji Trophy Cricket Kerala vs Himachal Pradesh Day Two

from mathrubhumi.latestnews.rssfeed http://bit.ly/2sgaCPN
via IFTTT