ഓസ്‌ട്രേലിയയിലെ ചരിത്ര വിജയം; ഇന്ത്യന്‍ ടീമിന് കോടിക്കണക്കിന് രൂപ സമ്മാനം

മുംബൈ: ഓസ്ട്രേലിയയിലെ ചരിത്ര വിജയത്തിന് പിന്നാലെ ഇന്ത്യൻ ക്രിക്കറ്റ് താരങ്ങൾക്ക് ക്യാഷ് അവാർഡ് പ്രഖ്യാപിച്ച് ബി.സി.സി.ഐ. പ്ലെയിങ് ഇലവനിലുണ്ടായിരുന്ന ഓരോ താരത്തിനും ഓരോ മത്സരത്തിനും 15 ലക്ഷം രൂപ വീതം ലഭിക്കും. അങ്ങെനെയെങ്കിൽ നാല് മത്സരത്തിനും കൂടി 60 ലക്ഷം രൂപ വീതമാണ് ഓരോ താരത്തിന്റേയും അക്കൗണ്ടിലെത്തുക. റിസേർവ് താരങ്ങൾ ഓരോ മത്സരത്തിനും 7.5 ലക്ഷം രൂപ വീതം ലഭിക്കും. നാല് മത്സരങ്ങൾക്കു കൂടി 30 ലക്ഷം രൂപ വീതം. കോച്ചിങ് സ്റ്റാഫിന് ഓരോ മത്സരത്തിനും ബോണസായി 25 ലക്ഷം രൂപ ലഭിക്കും. അങ്ങനെയെങ്കിൽ നാല് മത്സരത്തിനും കൂടി ആകെ ഒരു കോടി രൂപയാകും കോച്ചിങ് സ്റ്റാഫിന് വിതരണം ചെയ്യുക. സപ്പോർട്ട് സ്റ്റാഫിന് ശമ്പളത്തിന്റെ അടിസ്ഥാനത്തിൽ ബോണസ് ലഭിക്കും. ഓസ്ട്രേലിയൻ മണ്ണിൽ ടെസ്റ്റ് പരമ്പര വിജയിക്കുന്ന ആദ്യ ഏഷ്യൻ ടീമെന്ന റെക്കോഡ് ഇന്ത്യ നേടിയിരുന്നു. 2-1നാണ് ഇന്ത്യ ഓസീസിനെ പരാജയപ്പെടുത്തിയത്. 521 റൺസ് നേടിയ ചേതേശ്വർ പൂജാരയും 21 വിക്കറ്റെടുത്ത ജസ്പ്രീത് ബുംറയുമാണ് ഇന്ത്യയുടെ വിജയശിൽപ്പികൾ. Content Highlights: India vs Australia BCCI announces huge cash rewards for history making India squad

from mathrubhumi.latestnews.rssfeed http://bit.ly/2Figu2H
via IFTTT